ఏ శాఖలో పనిచేస్తున్నా పూనం మాలకొండయ్య తన ప్రత్యేకత చాటుకుంటుంటారు. నికార్సయిన పనితనంతో సంచలనం రేపుతుంటారు. ప్రస్తుతం ఎపిపిఎస్సీ సెక్రటరీగా చేస్తున్న ఆమె ఎబీఎన్లో ఇల్లాలి ముచ్చట్లు కార్యక్రమంలో పాల్గొని ఇలా మాట్లాడారు...
మీరు చాలా కఠినమైన అధికారి అని పేరుంది. ఇంట్లో కూడా అంతే కఠినంగా ఉంటారా?
ఇంట్లో అధికారాలు ఉండవు. ఆత్మీయతలు ఉంటాయి. ఆఫీసుకు పూర్తిగా భిన్నమైన వాతావరణం అక్కడ ఉంటుంది. భర్త, పిల్లలు, వారితో ఉంటే వచ్చే ఆనందం అన్నీ ఉంటాయి. నేను ఇంట్లో పూర్తిగా అమ్మనే. ఒక అమ్మ పిల్లల్ని ఎలా చూసుకుంటుందో అలాగే నేనూ ఉంటాను. మాకు ఇద్దరు పిల్లలు. అమ్మాయి మెడిసన్ చదువుతోంది. అబ్బాయి లా చదువుతున్నాడు.
ఒక తల్లిగా పిల్లల్ని ఎలా పెంచాలంటారు?
పిల్లలు జీవితంలో స్థిరపడేలా తీర్చిదిద్దితే చాలని చాలామంది అనుకుంటారు. కాని వాళ్లు సమాజం గురించి ఆలోచించేలా కూడా ప్రోత్సహించడం అవసరమని నేను అంటాను. పిల్లల్ని అలాగే పెంచాలని కూడా చెబుతాను.
మీ బాల్యం ఎలా గడిచింది?
నాన్న కేంద్రప్రభుత్వ ఉద్యోగి. దాని వల్ల నా బాల్యం చాలా చోట్ల నా బాల్యం గడిచింది. అన్నిటికంటే తమిళనాడులోని కోయంబత్తూరులో ఎక్కువకాలం ఉన్నాము. నా పాఠశాల, కాలేజీ రోజులన్నీ కోయంబత్తూరులోనే.
గృహిణి పాత్రను ఎలా పోషిస్తారు?
నాకు వంటలంటే చాలా ఇష్టం. సెలవు రోజుల్లో రకరకాల వంటలు చేస్తాను.
ఉద్యోగంలో కీలకమైన బాధ్యతలు, ఇంట్లో గృహిణిగా ...రెండిటినీ ఎలా బ్యాలెన్స్ చేస్తారు?
ఆఫీసును ఇంటికి తీసుకెళ్లను. ఇంట్లో అడుగుపెట్టగానే మారిపోతాను. నిజానికి బ్యాలెన్స్ చేయడమంటూ ఏమీ ఉండదు. ఆఫీసులో ప్రతి నిమిషం సద్వినియోగం చేస్తే బయటకొచ్చేటప్పుడు ప్రశాంతంగానే ఉంటాం. అప్పుడు ఇంట్లో కూడా హాయిగా ఉంటుంది.
ఇప్పుడు స్వేచ్ఛ, సమస్య రెండూ ఉంటున్నాయి. ఇది అభివృద్ధా? వెనకబాటు తనమా?
అమ్మాయిలకు ఇప్పుడు స్వేచ్ఛ ఉంది. నా దృష్టిలో స్వేచ్ఛ అంటే బాధ్యత. ఇంట్లో, సమాజంలో మనకు చాలా బాధ్యతలు ఉంటాయి. వాటిని సక్రమంగా నిర్వర్తించాలి. లేదంటే రకరకాల సమస్యలు వస్తాయి. బాధ్యతాయుతంగా ఉండాలన్నది స్త్రీలకే కాదు ఎవరికైనా వర్తిస్తుంది.
స్త్రీలు తమకు ఎదురయ్యే సమస్యలను ఎలా ఎదుర్కోవాలి?
గతానికి ఇప్పటికి చాలా మార్పులొచ్చాయి. ఏ రంగంలో తీసుకున్నాసరే స్త్రీలు కనిపిస్తున్నారు. సాంకేతిక పరమైన స్కిల్స్ వారిలో ఉంటున్నాయి. అయినప్పటికీ సమస్యలు ఎదురవుతుంటాయి. వాటిని పరిష్కరించుకుంటూ ముందుకు వెళ్లాలి. సమస్యలు ఎదురైనపుడు ప్రతిభ ఒక్కటే సాయపడగలదు.
విదార్థినుల డ్రాపవుట్స్ తగ్గించడానికి ప్రభుత్వం ఏం చేయాలి?
కుటుంబానికి ఆర్థిక స్వేచ్చ ఉంటే సగం వరకు డ్రాపవుట్స్ తగ్గుతాయి. ఈ డ్రాపవుట్స్ కూడా ఒక్కో దశలో ఒక్కో రకంగా ఉంటున్నాయి. పాఠశాలలు అందుబాటులో ఉంటే చదవడానికి వెళుతున్నారు. అదే ఐదారు కిలోమీటర్ల దూరానికి నడిచివెళ్లాలంటే మాత్రం క్రమంగా చదువుకు దూరమవుతున్నారు. దీంతోపాటు పాఠశాలల్లో టాయిలెట్స్ లేకపోవడం, పరిశుభ్రత లోపించడం వంటి కారణాలు వలన కూడా డ్రాపవుట్స్ ఎక్కువవుతున్నాయి.
తరాలమధ్య ఎలాంటి తేడాలున్నాయి? నేటి తరంపై మీ అభిప్రాయం?
ఇప్పటి తరానికి ఆత్మవిశ్వాసం ఎక్కువ. తమను తాము రక్షించుకోగలరు. ప్రతిభ అపారం. గతంలో నేర్చుకోవడానికి ఇన్ని అవకాశాలు లేవు. ఇప్పటి తరానికి అవి పుష్కలం. వాటిని సద్వినియోగం చేసుకుంటున్నారు. నేనైతే ఈ తరానికి హ్యాట్సాఫ్ అంటా.
స్త్రీని నిర్వచించమంటే?
'ఆమె' ఒక క్రియేటర్. దేన్నయినా నిర్మించగలదు. కూలగొట్టనూ గలదు. కుటుంబంలోనూ, సమాజంలోనూ ఆమే కేంద్రబిందువు. ఏదైనా నాగరికతను నిర్వచించాల్సి వస్తే ఆ కాలంలో సమాజం స్త్రీని ఎలా చూసేది అన్న విషయాన్ని గమనిస్తే చాలు. స్త్రీ పాత్ర అలాంటిది.
మరి స్త్రీల ఆత్మహత్యలు ఎందుకు పెరుగుతున్నాయి?
నేననుకోవడం అర్బన్ ప్రాంతంలోనే ఆత్మహత్యలు ఎక్కువని. చదువుకున్న వారు కూడా చిన్నవిషయాలకే ఆత్మహత్యలకు పాల్పడుతున్నారు. క్షణికావేశమే అందుక్కారణం. సమస్యలను విశ్లేషిస్తే ఎలాంటి చెడూ జరగదు. కాని చదువుకున్న వారు సైతం ఆత్మహత్యలు చేసుకుంటున్నారు. చదువుకొని ఏమీ చేయలేకపోతున్నామే అనే బాధతో చనిపోయేవారు, చదువుకోకుండానే సమాజంలో నెట్టుకొస్తున్న చాలామందిని చూసి తెలుసుకోవాలి. అనాథ శరణాలయాల్లోనూ, వృద్ధాశ్రమాల్లోనూ ఎంతోమంది జీవిస్తుంటారు. వారి జీవితాలు గమనించి సహాయం చేయగలిగితే ఆనందంతోపాటు ఎలా జీవించాలో అర్థమవుతుంది.
ఎన్నో మంచి విషయాలు చెప్పగలిగే మీరు మీడియాకు దూరంగా ఉంటారెందుకు?
నా పని నేను చేసుకుపోతూ ఉంటాను. ముఖ్యమైన విషయాలైతే మీడియా ముందుకు వస్తాను. అంతే. అయినా మీడియాను ఎవరూ దూరంగా ఉంచలేరు. ఏదైనా విషయాన్ని కమ్యూనికేట్ చేయడానికి మీడియా అవసరం కదా.
ఇంటర్వ్యూ : శ్వేత
తెలంగాణపై ఏర్పాటు చేసిన అఖిలపక్ష సమావేశాన్ని బహిష్కరిస్తామని తెలంగాణ రాష్ట్ర సమితి, భారతీయ జనతాపార్టీ ప్రకటించినా, ఆరో తేదీన జరిగే చర్చలకు ఆంధ్రప్రదేశ్లోని ఎనిమిది రాజకీయ పార్టీలూ హాజరవుతాయన్న విశ్వాసాన్ని ప్రభుత్వం వ్యక్తం చేసింది. ‘అఖిలపక్ష సమావేశానికి ఎనిమిది పార్టీల్నీ ఆహ్వా నించాం. మొత్తం ఎనిమిది పార్టీలూ సమావేశానికి హాజరవుతాయన్న నమ్మకం నాకుంది’ అని కేంద్ర హోం మంత్రి పి. చిదంబరం మంగళవారం విలేకరులకు తెలి పారు. తెలంగాణపై అభిప్రాయ సేకరణ జరిపి శ్రీకృష్ణ కమిటీ నివేదిక సమర్పించిన తర్వాత చిదంబరం గురువారం అఖిలపక్ష సమావేశాన్ని ఏర్పాటు చేశారు. 
మరో ఎంపి విహెచ్ ఎంపీల దీక్షలో పాల్గొనక పోయినా సంఘీభావం తెలియజేశారు. పది మంది ఎంపీలు రాజీనామాలు చేస్తే దాని ప్రభావం తీవ్రంగా ఉంటుందని, పైగా తెలంగాణ ప్రాంతానికి చెందిన ఎమ్మెల్యేలు, ఎమ్మెల్సీలు కూడా వారి బాటను అనుసరిస్తే పార్టీకి లేని పోని సమస్యలు రావడంతో పాటు రాష్ట్రంలో ప్రభుత్వం పడిపోయే పరిస్థితి వస్తుందనే ఆందోళనతో అధిష్ఠానం ఉన్నట్లు తెలుస్తోంది. పది మంది ఎంపీలు ఒక్క తాటిపై ఉండి తెలంగాణ విషయంలో ఇక వెనుకడుగు వేసేది లేదని తేల్చి చెప్పడం, విద్యార్ధులపై కేసుల ఎత్తివేత విషయంలో దీక్షకు దిగన సమయంలో , హైకమాండ్ పలు మార్లు సంప్రదించి, దీక్ష విరమించుకోవాలని విజ్ఞప్తి చేసినా వినిపించుకోకుండా అలాగే కొనసాగించారు. 
తాను కూడా వారికి ఇటీవలి కాలంలో నచ్చచెప్పే ప్రయత్నం చేసినా ఎవరూ మాటవినడం లేదన్నారు. దానికితోడు.. వెంకట స్వామి, కేశవరావు, హన్మంతరావు, మధుయాష్కీ, సర్యే సత్యనారా యణ, వివేక్ వంటి నాయకులంతా సీనియర్లయినందున తన స్థాయి కూడా సరిపోవడం లేదని, వారికి తాను చెప్పినా వినే పరిస్థితి లేదని కిరణ్ తన నిస్సహాయత వ్యక్తం చేశారు. ఆయన ప్రధానంగా కేశవరావు మీదే ఫిర్యాదు చేసినట్లు తెలుస్తోంది. కేకేనే దీనిని తెర వెనుక ఉండి నడిపిస్తున్నారంటూ ప్రభుత్వానికి అందిన నివేదికలను కిరణ్ తన వాదనలకు మద్దతుగా పంపించారు. అయితే నిజానికి.. రాష్ట్రంలో నెలకొన్న తెలంగాణ వేర్పాటువాద ఉద్యమం, జగన్ తిరుగు బాటు వ్యవహారాన్ని తాను సమర్థవంతంగా అణచివేస్తానన్న భరోసా ఇచ్చి ముఖ్యమంత్రి పదవి తీసుకున్న కిరణ్, తీరా అధిష్ఠానానికి తానిచ్చిన హామీలలోనే వైఫల్యం చెందడ ం ప్రస్తావనార్హం. 
రాష్ట్రంలో మధ్యంతర ఎన్నికలు ఖాయం కానున్నాయన్న చర్చలు రాజకీయ వర్గాల్లో వేడి పుట్టిస్తున్నాయి. జనవరి 6న ఢిల్లీలో కృష్ణ కమిటీ నివేదిక వివరాలను కేంద్ర హోంమంత్రి చిదంబరం విడుదల చేయనున్న నేపథ్యంలో తెలంగాణలో ఉద్రిక్త పరిస్థితి నెలకొన్న వచ్చన్న అంచనా అన్ని పార్టీలు, వర్గాల్లోనూ స్పష్టంగా కనిపిస్తోంది. తెలంగాణలో ఉద్రిక్త పరిస్థితి తలెత్తి, ఇతర ప్రాంతాల వారిపై దాడులు జరిగితే దాని ప్రభావం సీమాంధ్రలో చూపే క్రమంలో రాష్ట్రంలో శాంతిభద్రతల పరిస్థితి తలెత్తే ప్రమాదం ఉందన్న అంచనా వ్యక్తమవుతోంది. అప్పుడు రాష్ట్రంలో రాష్ర్టపతిపాలన అనివార్యమవు తుందని రాజకీయ పార్టీలు చెబుతున్నాయి. ప్రధాన ప్రతిపక్షమైన తెలుగుదేశం, టీఆర్ఎస్ చర్చల్లో కూడా మధ్యంతర ఎన్నికలు వస్తాయన్న భావన అంతర్గతంగా వ్యక్తమవుతోంది.
తెలంగాణా వాళ్లను, నాలుగున్నర కోట్ల మంది తెలంగాణ వాళ్లను ఒక్కటిగా చేయడానికి ఇక్కడ 54 ఏళ్లు పట్టింది. అదే ఆంధ్రా నాయకులు షేక్హ్యాండు లిచ్చుకొని గంటలో ఒక్కటయ్యారు. చిరంజీవి, చిన్నజీవి, పెద్దజీవి, ఆంధ్రా జీవులందరూ డబ్బు సంచులతో వచ్చి ఒక్కటై పోయారు. ఆంధ్ర నాయకులు ఒక్కటై పోయినా, ఆంధ్ర ఉద్యమానికి ఒక్క పాట లేదు. తెలంగాణ ఉద్యమానికి ఎన్ని పాటలొచ్చాయో అందరికీ తెలుసు. కానీ ఆంధ్రావాళ్ల ఉద్యమానికి పాటలేక, సినిమాపాటలేసుకున్నారు. ఇప్పుడు ఈ వరం గల్ సభతో తెలంగాణ ఉద్యమానికి ఒక బ్రేక్ వచ్చింది. 
తెలంగాణకోసం పదవులకు రాజీనామాలు చేయమన్నాం. మొదట 25 మంది రాజీనామా చేస్తామన్నారు. కానీ 12 మందే రాజీనామా చేశారు. రాజీనామా చేయని కాంగ్రెస్ చవట దద్దమ్మల వల్లే ఇప్పుడు ఈ పరిస్థితి వచ్చింది. 1956లో విడిగా ఉన్న తెలంగాణను ఆంధ్రప్రదేశ్లో కలిపే శారు. ఆనాడు ఈ చవట దద్దమ్మలే ఊడగొట్టిండ్రు. ఇప్పుడు తెచ్చుకున్నదాన్ని పొగొట్టారు. ఇది సభ కాదు, సముద్రం. తెలంగాణ కోసం ఇప్పుడు ఊళ్లన్నీ ఉద్యమ వేదికలయ్యాయి. ప్రతి ఊళ్లో తెలంగాణ రావడానికి ఉద్యమిస్తున్నారు.
తెలంగాణ గురించి రాష్ట్ర గవర్నర్ వెటకారం చేస్తూ మాట్లాడారు. డిసెంబర్ 31న ఏం కాదు. 31 తర్వాత జనవరి 1 వస్తుంది అని గవర్నర్ ఎగతాళి చేశా రు. ఆయన మాటల్ని నేను ఖండిస్తున్నాను. ఈ సభపై, తెలంగాణ ఉద్యమంపై ప్రయోగించడానికి అదనపు పారామిలిటరీ దళాల్ని తెప్పిస్తామన్నారు. ఈ సభకు ఎంత భారీగా జనంవచ్చారో ఢిల్లీకి రిపోర్టిచ్చి తెలంగాణ తేవాలి కానీ, అదనపు బలగాలు ఎందుకు? తూటాలకు, తుపాకులకు, లాఠీలకు భయపడేవారు ఇక్కడ లేరు. ఈ సభను, ఇంత బ్రహ్మాండంగా జరిగిన సభను చూసైనా కాంగ్రెస్ నాయకులు రాజీనామాలు చేస్తారా? చేయరు. మంత్రి పదవులకోసం బిచ్చగాళ్లలా తిరుగుతున్నారు. 
మా సహనానికీ ఒక హద్దుంది. లిమిట్ ఉంది. దాన్ని దాటనివ్వద్దు. దాటితే బాగుండదు. తెలంగాణాలో అన్ని సంఘాలవారూ ఈ సమావేశానికి హాజర య్యారు. అన్ని సంఘాలూ వేదికమీద ఉన్నాయి. తెలంగాణకోసం పిడికిలెత్తి ఉన్నారు. వెనకడుగు వేయకుండా ముందుకు సాగాలి. పార్లమెంటులో తెలంగాణ బిల్లు తెచ్చేవరకూ ముందుకే వెళ్లాలి. మొండిగా ఉండాలి. భయపడొద్దు. నామీద ఎన్ని చేశారు? ఎంతగా బెదిరించారు. ఎంతగా భయపెట్టారు? అడ్డుకున్నారు? అయినా నేను భయపడ్డానా? రాజీపడ్డానా? అట్ల ఉండబట్టే ఉద్యమాన్ని నడిపాం. ఉద్యమాన్ని కాపాడుకున్నాం. కీలెరిగి వాత బెట్టాలె. డక్క కొడితే పక్కాగా కొట్టాలి. 
కేసీఆర్ ఈ కీలక తరుణంలో ఉద్వేగపూరిత ఉద్యమ వ్యూహాన్ని ప్రకటించే అవకాశం ఉందని తెలంగాణా వాదులు భావించారు. ఒక వంక డిసెంబరు 31 తర్వాత పరిస్థితులు ఎలా ఉంటాయో అని అందరూ భావిస్తున్న తరుణంలో కేసీఆర్ అలాంటి ఉద్వేగభరిత వ్యూహాలకు పోకుండా తెలంగాణా బంతిని కేంద్రం కోర్టులోకి నెట్టి అందరికీ ఊరట నిచ్చారు. అలాగని నివేదిక ఎలా ఉన్నా ఆయన కిమ్మని ఊరుకుంటారని అనుకోనక్కర్లేదు. నివేదిక తెలంగాణాకు ఏమాత్రం అనుకూలంగా లేకపోయినా ఉద్యమాన్ని ఉధృతం చేసే సదవకాశం ఆయనకు ఎప్పుడూ ఉంది. 
మహాగర్జనకు ఆకర్షణగా నిలిచిన ప్రపంచ ఆర్య సమాజ్ వాది, సామాజిక కార్యకర్త స్వామి అగ్నివేష్ ప్రసంగం కూడా ప్రజల్లో చైతన్యం నింపడమే కాకుండా ఆలోచింపజేసే విధంగా సాగింది. తానుపుట్టింది శ్రీకా కుళం అని, అయినా న్యాయమైన డిమాండ్ కోసం పోరాడుతున్న తెలంగాణ ప్రజల పక్షాన నిలబడ్డానని అన్నారు. తెలంగాణ ప్రాంత ప్రజలకు చీకటి రాత్రులు అంతమయ్యే రోజు లు దగ్గరపడ్డాయని, విజయానికి చేరువగా ఉన్నారని అన్నారు. కాంగ్రెస్, టిడిపి అధినేతలపై దుమ్మెత్తిపోయడమే కాకుండా, అవినీతి అంతమయ్యేలా తెలంగాణ ఏర్పడిన వెంటనే లోకాయుక్తను ఏర్పాటు చేసుకోవచ్చని అన్నారు. చాకలివాడి గాడిద కథను ఉదహరిస్తూ ద్వంద విధానాలను అవలంభిస్తున్న టిడిపి అధినేత చంద్రబాబు పై నిప్పులు చెరిగారు. 
పదవుల కోసం ప్రాకులాడకుండా తెలంగాణ ఉద్యమంలో భాగస్వాములై శాసకులుగా బ్రతకాలని తెలంగాణ ప్రాంత మంత్రులకు, ఎమ్మెల్యేలకు ప్రొఫెసర్ జయశంకర్ పిలుపునిచ్చారు. గురువారం వరంగల్లో నిర్వహించిన మహాగర్జన సభను ఉద్దేశించి ఆయన మాట్లాడారు. గత డిసెంబర్ 9న కేంద్ర ప్రభుత్వం అధికారికంగా తెలంగాణ రాష్ట్రాన్ని ప్రకటించిన తర్వాత ఆంధ్ర కాంగ్రెస్, టిడిపి పార్టీ నాయకుల లాబియింగ్ వల్ల ప్రకటనను కేంద్ర ప్రభుత్వం వెనకకు తీసుకొని శ్రీకృష్ణ కమిటీ వేసింది. తెలంగాణ ప్రాంతంలోని కాంగ్రెస్, టిడిపి ప్రజా ప్రతినిధులు అధిష్టానం దగ్గర మంత్రి పదవుల కోసం యాచించకుండా ఉద్యమంలో పాల్గొని తెలంగాణ రాష్ట్రాన్ని ఏర్పర్చుకొని శాసకులుగా బ్రతకాలని పేర్కొన్నారు. 
తెలంగాణా ప్రత్యేక రాష్ట్రాన్ని గాంధేయ మార్గం ద్వారా సాధించుకుంటామని తెలంగాణ జేఏసీ నాయకులు ప్రోఫెసర్ కోదండరాం అన్నారు. గురువారం వరంగల్ జిల్లా ప్రకాష్రెడ్డి పేటలో మహాగర్జన సభ జరిగింది. అందులో పాల్గొన్న ఆయన మాట్లాడుతూ బ్రిటిష్ పాలకుల నుండి గాంధీ సహాయ నిరాకరణ ఉద్యమం చేపట్టి భారతదేశానికి స్వాతంత్య్రం తెచ్చారని ఆయన గుర్తు చేశారు. డిసెంబర్ 31 వరకు తెలంగాణ రాష్ట్రాన్ని కేంద్ర ప్రభుత్వం ప్రకటించకపోతే జనవరి 1 నుండి సహాయ నిరాకరణ ఉద్యమాన్ని గాంధీ మార్గం ద్వారా చేపడుతామని చెప్పారు. ఇందుకోసం ప్రణాళికలను అన్ని పార్టీల నాయకులు, విద్యార్థులు, ఉద్యమకారులతో ప్రణాళికలను రూపొదిందిస్తున్నామన్నారు.